main content

Кофені туркада қалай дұрыс пісіру керек

Туркада қайнату — кофе дайындаудың ең ежелгі тәсілі. Мақаланы оқып, сусынды үйде осы әдіспен жасап көріңіз!

Кофе дайындаудың қай әдісі ең ежелгі болып есептеледі? Әрине, туркада қайнату. Түрлі дереккөздерге сәйкес, бірінші ұқсас рецептті сусынды мыс қазандарда дайындаған африкалық көшпенділер ойлап тапты. Содан кейін кофені осы әдіспен қайнату дәстүрлері Африкадан шығып, Түркияға да жетті. Онда сусын тез арада әйгілілікке ие болды, ал жергілікті тұрғындар оны дайындауға арналған арнайы ыдысты — турканы ойлап тапты.

Үйде кофені туркада қалай дұрыс пісіру керектігін түсінейік. Бұдан басқа, біз туркалардың қандай түрлері бар екендігі мен олардың қалай ерекшеленетінін, сондай-ақ осы қайнату тәсілі үшін кофені қалай таңдау керектігін айтып береміз.

Кофені туркада қалай пісіру керек — қадамдық нұсқаулық
Мазмұны

Кофені туркада қалай пісіру керек — қадамдық нұсқаулық

Туркада кофе қайнату — бұл көптеген нюанстарды: кофе сұрыпын, оның үгінді дәрежесін, ыдыстың мөлшері мен материалын ескеруді қажет ететін үдеріс. Алайда, егер сіз сусынды дайындаудың барлық қыр-сырымен әлдеқашан таныс болсаңыз, тікелей іс-қимылға ауысуға болады.

Сіздің үйде кофені туркада дұрыс қайнатуыңыз үшін біз қадамдық нұсқаулықты дайындадық. Егер сіз плитада мыс туркада кофе қайнататын болсаңыз, бұл қарапайым бес қадамдық нұсқаулық жарайтын болады.

Кофені туркада қалай пісіру керек — қадамдық нұсқаулық
  1. Ингредиенттерді 1:10 пропорциясында дайындаңыз, яғни 10 мл суға 1 грамм ұнтақталған кофе. Мысалы, 150 мл сусын дайындағыңыз келсе, сізге сол мөлшерде су мен 15 грамм кофе қажет болады.
  2. Кофені туркаға сеуіп, оны қыздыру үшін плитаға қойыңыз. Кофе иісі пайда болғаннан кейін жылы суды қосып, араластырыңыз. Сұйықтықтың ыдыстың аузы тарылатын жеріне жетпеуі тиіс екеніне назар аударыңыз.
  3. Турка қызған соң, отты орташа немесе төмен деңгейге дейін азайтып, су қосыңыз. Сұйықтықтың көлемі 150 мл болса, қайнату 2-4 минутқа, көлемі 150-300 мл болса, 3-5 минутқа созылады.
  4. Алғашқы көпіршіктер пайда болысымен турканы плитадан алыңыз. Әйтпесе, сусынды қатты қыздырып жіберуіңіз мүмкін.
  5. Кофе қайнатылған соң оны араластырып, шыны-аяқтарға құйыңыз.
Қадамдардың дұрыс реттілігі — бұл маңызды, бірақ кофені туркада қайнатқан кезде ескерілуі тиіс жалғыз пункт емес. Сусынның дәмі мен сапасына көптеген заттар әсерін тигізеді — олар туралы толығырақ сөйлесейік.

Турканы таңдау: мыс, керамикалық, электрлік

Туркаларды мыстан, керамикадан, болаттан, пластмасса мен басқа материалдардан жасап шығарады. Біз туркалардың ең танымал үш түрі (мыс, керамикалық және электрлік) туралы айтып береміз. Егер сіз дәмді кофе дайындағыңыз келсе, сіз пайдаланатын ыдыстың қандай сипаттамалары бар екенін білу маңызды.

 
Мыс турка

Мыс турка

Егер сіз мәңгілік классиканың жақтаушысы болсаңыз, мыс турканы таңдаңыз — онда кофені шамамен 400 жыл бойы дайындап келуде! Мыстың жоғары жылу өткізгіштігінің арқасында энергия турканың бүкіл көлемі бойы тез таралады да, ыдыс ішіндегі кофе бірқалыпты қызады, және оның есебінен сусынның барлық дәмдік қасиеттері ашылады.

Мыс ыдыстар ұзақ мерзімді — дұрыс пайдаланған кезде олар сізге ондаған жылдар бойы іске жарайтын болады. Мыс туркадағы кофені ағаш таяқшаларымен араластырып тұру керек, өйткені асхана аспаптары ыдыстың ішіндегі нәзік жабынды кездейсоқ сырып алуы мүмкін.

Керамикалық турка

Керамикалық турка

Мыстан басқа керамикалық туркалар да бар. Олар біріншілерден жылу өткізгіштік дәрежесі бойынша ерекшеленеді: керамиканың жылу өткізгіштігі мысқа қарағанда төменірек. Яғни, ыдыс баяу қызып, баяу суыиды, бірақ бұл ретте ұзақ уақыт бойы жылуды сақтайды. Сондықтан ішінде дайын сусыны бар турканы оттан алдын ала алу керек. Қажетті сәтті жіберіп алсаңыз, кофе қайнап кетіп, сусынның дәмі нашарлайды.

Біз зертаспен жабылған керамикалық туркаларды таңдауды ұсынамыз. Бұл жағдайда олар иістерді сіңірмейді де, сіз пісіріп жатқан кофенің иісінде қоспалар болмайды.

Электрлік турка

Электрлік турка

Электрлік турканың жұмыс істеу қағидаты шәйнекке ұқсас: су құйып, кофе қосып, батырманы басып, аспап жұмысын орындағанын күту керек. Бір жағынан, үдеріс шынында оңайлатылған және уақытты үнемдеуге болады, себебі қайнатуға ең көбі 2 минут жұмсалады. Алайда, бұл сусынның сапасына әсерін тигізеді: кофе түйіршіктері «әбден қайнап» та, өз дәмін беріп те үлгермейді. Нәтижесінде сусын «суы көп» болып шығады. Сондықтан, электрлік турканы таңдағанда, кофені дайындау уақытын өз бетімен реттеуге болатын (мысалы, таймерді орнатуға) аспаптарды алуды ұсынамыз. Қайнатуға көлемі 150 миллилитрге дейінгі шыны-аяқ үшін 2-4 минут және көлемі 150-ден 300 миллилитрге дейінгі шыны-аяқ үшін 3-5 минут кетеді.

Бұдан басқа, құрылғының материалына көңіл бөліңіз. Ең дұрысы - оның керамикадан жасалған болуы. Керамиканың жылу өткізгіштігі кофе түйіршіктерін бірқалыпты қыздыру үшін жеткілікті. Бұл жағдайда сусынның дәмі байырақ және ашығырақ болады.
 

Қандай кофе туркада қайнату үшін қолайлы

Туркада дайындалған дәмді сусынның тағы бір маңызды шарты — дұрыс таңдалған кофе. Нәтиженің сапасына дәндердің түрі, сұрыпы және үгіндісі, сондай-ақ қуыру дәрежесі әсерін тигізеді. Туркаға қандай ұнтақталған кофе жарасатынын айтып береміз.
Қандай кофе туркада қайнату үшін қолайлы

Кофе сұрыпы

Ұнтақталған кофені әдетте дәндердің екі түрінен — арабика мен робустадан немесе олардың қоспасынан жасап шығарады. Арабика дәндердің ең бағалы түрлерінің бірі болып есептеледі. Бұл сұрыптың хош иісі жарқын, үйлестірілген және жұмсақ дәмінің аздап қышқылдығы бар. Робуста дәмі дәндер құрамындағы кофеиннің көбірек мөлшеріне байланысты қанығырақ. Бұл сұрыпты көбінесе эспрессо мен ерігіш кофені дайындау үшін таңдайды.

Турка үшін арабиканы немесе оның робуста қосылған қоспасын таңдауды ұсынамыз, бірақ бұл ретте робустаның құрамы 30%-дан аспауы тиіс. Мұндай бленд ащы дәмді шығармайды, ал сусында арабиканың хош иісі ашылады.

Кофе қуыру

Турка үшін жеңіл немесе орташа қуыру дәрежесі қолайлы болады. Бұл дайын сусынның ащы болу ықтималдығын азайтады. Күңгірттірек қуыру дәрежелері турка үшін сирек пайдаланылады және кофе машиналары үшін қолайлырақ.

Кофе үгіндісі

Өте ұсақ ұнтақталған кофені таңдаңыз. Туркадағы кофені ұзақ қайнатпайды, экстракция тез жүреді, және тек ұсақ үгінді кофенің барлық қасиеттерінің сусында ашылатынына кепілдік беруге көмектеседі.

Кофені үйде туркада қалай пісіру керек: 4 маңызды кеңес

Біз сізге туркада кофені дайындау үдерісін жеңілдететін пайдалы чек-листті дайындадық.
Кофені үйде туркада қалай пісіру керек: 4 маңызды кеңес

№ 1 кеңес. Таймерді қойыңыз

Сусынның сапасы зақымданбас үшін, турканы алғашқы көпіршіктер пайда болғанда оттан алып тастау керек. Дайындау үдерісі қанша уақытқа созылады? 150 миллилитр сусынды қайнату үшін 2-4 минут қажет болады, ал көлемі 150-ден 300 миллилитрге дейін болса, үдеріске 3-5 минут жұмсалады. Қайнау сәтін жіберіп алмау үшін таймерді қосыңыз да, кофені қайнатудың орташа уақытын көрсетіңіз. Мысалы, көлемі 150 миллилитр бір шыны-аяқ үшін 3 минут.

№ 2 кеңес. Электр және газ плиталарында қайнату нюанстарын ескеріңіз

Кофені газ плитасында дайындағанда, от ыдыстың қабырғаларына тимей, тек түбін қыздыратындай етіп шағын конфорканы таңдаңыз. Егер сіз кофені электр плитасында туркада қайнатып жатсаңыз, кофені конфоркаға қоймас бұрын оның жақсылап қызғанына көз жеткізіңіз. Содан кейін плитаны өшіріп, сусынды суып жатқан бетте дайындауға кеңес береміз.

№ 3 кеңес. Көбікті қалай жасауға болатынын біліп алыңыз

Үйде туркада көбігі бар кофені қайнату қиынға соқпайды. Ол үшін аузы тар турканы таңдаңыз. Көбіктің болуы ауыздың пішініне тікелей байланысты: ол неғұрлым тар болса, соғұрлым оның сусында пайда болуы ықтималдығы жоғары.

№ 4 кеңес. Сүт пен қантты қосыңыз

Сіз сүтпен кофені тура туркада дайындауға болатынын білгенсіз бе? Бұл сусынға нәзік кілегейлі дәмді үстеп береді! Жай ғана туркғаға судың орнына дәл сол 1:10 пропорциясында сүтті құйыңыз, сондай-ақ аздап қант қосыңыз. Содан кейін кофені әдеттегідей көбік пайда болғанша қайнатыңыз.

Тағы бір кеңес: уақытыңыз аз болса, бірақ бір шыны-аяқ кофе ішкіңіз келсе, NESCAFÉ® ерігіш кофесін байқап көріңіз. Оның негізінде классикалық американоны да, фраппе немесе карамельді кофе сияқты әртүрлі коктейльдерді де жасауға болады.

Попробуйте рецепты от NESCAFÉ®

Все рецепты
NESCAFÉ® Кофе с карамелью и кардамоном
NESCAFÉ® Кофе с имбирем и корицей
NESCAFÉ® Миндальный кофе

Кофені туркада дайындау рецепттері

Кофені туркада пісірудің көптеген рецепті бар. Біз олардың ең қызықты үшеуі туралы айтып береміз.

Арабша кофе

Ингредиенттер:

  • 25 грамм ұнтақталған кофе
  • 250 мл су
  • 0,5 ас қасық ұнтақталған кардамон
  • 0,5 қалампыр дәмдеуішінің гүлшанағы
  • Запырангүл
  • Қант — қалауыңызға қарай

Туркаға су құйып, қайнатыңыз. Кофе, кардамон, қалампыр және запырангүл қосып, көпіршіктер пайда болғанша пісіріңіз. Сусынды шыны-аяққа құйып, қалауыңызға қарай, қант қосыңыз.

Үнді масала кофесі

Ингредиенттер:

  • 20 гр ұнтақталған кофе
  • 100 мл су
  • 100 мл сүт
  • Ерең
  • Кардамон
  • Құрақ қанты
  • 0,5 шай қасық ұнтақталған даршын
  • Қалампыр
  • Мускат жаңғағы

Дәмдеуіштерді араластырып, оларды табада бірнеше минут қыздырыңыз. Дәмдеуіштердің мөлшерін өз қалауыңыз бойынша алыңыз — қаншалықты татымды сусындарды ұнататыныңызға байланысты. Туркаға кофе себіңіз, қалауыңыз бойынша су, сүт және қант қосыңыз. Турканы отқа қойыңыз да, ол қызғанда дәмдеуіштерді қосыңыз. Кофенің бетінде алғашқы көпіршіктер пайда болысымен турканы плитадан алыңыз.

Карибше кофе

Ингредиенттер:

  • 25 гр ұнтақталған кофе
  • 250 мл су
  • Апельсин цедрасы
  • 0,5 шай қасық ванильді қант
  • Даршын
  • Қалампыр

Туркада кофені, апельсин цедрасын, қантты, бір шымшым даршын мен бір шымшым қалампырды араластырыңыз. Су қосып, турканы плитаға қойыңыз. Кофенің бетінде алғашқы көпіршіктер пайда болысымен турканы плитадан алыңыз.

Кофені туркада дайындаған кезде көптеген нюанстарды ескеру керек, бірақ сіз тапсырманы тамаша орындап шығатыңызға және нәтиженің сіздің күткеніңізден асып түсетініне сенімдіміз. Сондай-ақ NESCAFÉ® ерігіш кофесінің көмегімен хош иісті сусынды жылдам және оңай дайындай аласыз. Ол кофенің ашық және қанық дәміне кепілдік беретін ерекше қуырылған жоғары сапалы дәндерден жасалған!

Читайте больше интересных статей о кофе

Все статьи
Дұрыс эспрессо дегеніміз не және оны қалай дайындау керек?
Еритін кофенің ұнтақталған кофеден айырмашылығы неде?