Ерігіш кофеден жасалатын 19 десерт

Ингредиенттер:

• NESCAFÉ^® ерігіш кофесі — 1 шай қасық
• Қант — 85 г
• Су — 100 мл
• Кілегей (майлылығы 33-35%) — 300 г

Суды қайнатып, оған ерігіш кофе мен қантты қосыңыз. Кофені масса кремге ұқсас болмайынша 5 минут бойы көпсітіңіз. Оны тоңазытқышқа 1 сағатқа салып қойыңыз. Бір сағаттан кейін оны шығарып алып, біртекті консистенция болғанша қайтадан көпсітіңіз. Содан кейін кілегейді тұрақты шыңдар пайда болғанша көпсітіңіз де, оны кофе массасы бар ыдысқа салып, силиконды қалақшамен төменнен жоғары қарай араластырыңыз. Жасалған массаны мұздатқышқа 6 сағатқа қойыңыз. Алғашқы үш сағатта ыдысты әр 30 минут сайын шығарып, араластырып тұрыңыз. Қалған 3 сағатта жай ғана массаның қатаюын күтіңіз.

Ингредиенттер:

• NESCAFÉ^® ерігіш кофесі — 2 шай қасық
• Майлылығы 33% кілегей — 500 г
• Қойылтылған сүт — 200 г
• Тұзды карамель — 100 г

Ерігіш кофені дайындаңыз — бұл үшін оны салқындатылған кілегей мен қойылтылған сүтпен араластырыңыз. Ингредиенттерді кілегей консистенциясы түзілгенше миксермен көпсітіңіз. Кофе массасының үштен бірін балмұздаққа арналған ыдысқа төгіп салыңыз. Үстінен тұзды карамельдің үштен бірін салып, карамельді өрнек жасау үшін роллдарға арналған таяқшамен немесе қасықтың сабымен араластырыңыз. Кофе массасы мен тұзды карамель бітпейінше сол әрекетті екі рет қайталаңыз. Ыдысты үлдірмен немесе қақпақпен жауып, мұздатқышқа 3 сағатқа қойыңыз. Дайын!

Ингредиенттер:

• NESCAFÉ^® ерігіш кофесі — 1 шай қасық
• Сары май — 70 г
• 20% қаймақ — 80 г
• Сүт — 2 ас қасық
• Бидай ұны — 250 г
• Қант ұнтағы — 80 г
• Какао ұнтағы — 35 г

Сүтті қыздырып, оған ерігіш кофені қосыңыз да, сусынды суытыңыз. Сары майды ерітіп, оны шайқағышты пайдаланып, қантпен көпсітіңіз. Бұл қоспаға қаймақ пен кофе қосыңыз, содан кейін тағы да көпсітіңіз. Какаомен еленген ұнды қосып, қамыр илеңіз. Оны тоңазытқышқа 20 минутқа салып қойыңыз. Қамырды шығарып алып, одан шай қасықтың мөлшеріндегідей кішкене шарларды жасаңыз. Қаңылтыр табаға пергаментті төсеп, кішкене шарларды жайып салыңыз да, піспенан пішіні бойынша кофе дәндеріне ұқсайтындай етіп әрқайсысында тіс тазалағышпен немесе роллдарға арналған таяқшамен жырашық жасаңыз. Піспенанды 180 градуста 10-15 минут пісіріңіз.

Ингредиенттер:

• NESCAFÉ^® ерігіш кофесі — 1 шай қасық
• Сары май — 140 г
• Бидай ұны — 200 г
• Қоңыр қант — 140 г
• Жұмыртқа — 1 дана
• Қопсытқыш — бір шымшым
• Шоколад — 70 г

Ерітілген сары майды, қант пен кофені араластырыңыз, содан кейін массаны крем консистенциясы пайда болғанша көпсітіңіз. Жұмыртқаны қосып, қайтадан көпсітіңіз. Сонан соң қопсытқыш қосылған еленген ұнды қосып, қамыр илеңіз. Шоколадты ұсақтап тураңыз да, оны қалған ингредиенттерге қосыңыз, қамырды тоңазытқышқа 30 минутқа салып қойыңыз. Қаңылтыр табаға пергаментті төсеп, піспенанды қалыптастырыңыз да, қаңылтыр табаға жайып салыңыз. 180 градуста 15 минут пісіріңіз.

Ингредиенттер:

• NESCAFÉ^® ерігіш кофесі — 4 шай қасық
• Су — 500 мл
• Қант — 80 г
• Желатин — 30 г

Желатинді 200 мл суық қайнаған суда езіп, ісіну үшін 30 минутқа қалдырыңыз. Кофе дайындаңыз — бұл үшін 500 мл ыстық суды, ерігіш кофе мен қантты араластырыңыз. Желатиннің жартысын ыстық кофеге қосып, желатин толығымен ерігенше араластырыңыз. Кофені креманкаларға құйып, суытыңыз да, толығымен қатқанша тоңазытқышқа бірнеше сағатқа салып қойыңыз.

Ингредиенттер:

• NESCAFÉ^® ерігіш кофесі — 4 шай қасық
• Сүт — 500 мл
• Су — 700 мл
• Қант — 150 г
• Желатин — 30 г

Желатинді 200 мл суық қайнаған суда езіп, ісіну үшін 30 минутқа қалдырыңыз. Кофе дайындаңыз — бұл үшін 500 мл ыстық суды, ерігіш кофе мен 80 г қантты араластырыңыз. Желатиннің жартысын ыстық кофеге қосып, желатин толығымен ерігенше араластырыңыз. Сүтті қайнатыңыз, қалған қант пен желатинді қосыңыз, сонан соң желатин толығымен ерігенше араластырыңыз. Кофе мен сүтті суытыңыз. Екі креманка алып, оларға кофенің жартысын құйыңыз, тағы екі креманка алыңыз да, оларға сүт құйыңыз — осылайша төрт креманка болады: екеуі кофемен және екеуі сүтпен. Қабаттары қатып қалуы үшін креманкаларды тоңазытқышқа 40 минутқа салып қойыңыз. Креманкаларды шығарып алып, қабаттарды жайып салыңыз: қатқан кофе қабатына қатқан сүт қабатын салып, оны толығымен қатайғанша бірнеше сағатқа тоңазытқышқа қайтадан салып қойыңыз. Кофе мен сүт желесі дайын!

Ингредиенттер:

• NESCAFÉ^® ерігіш кофесі — 1 шай қасық
• Су — 50 мл
• 10% кілегей — 350 мл
• Қант — 50 г
• Желатин — 10 г

Кілегейді плитада 80 градусқа дейін қыздырыңыз, қант пен желатинді қосып, мұқият араластырыңыз да, 10 минутқа қалдырыңыз. Содан кейін тағы да араластырыңыз — желатин кілегейде толығымен еріп кетуі тиіс. Ерігіш кофе дайындаңыз — бұл үшін үстіне ыстық су құйыңыз. Содан кейін креммен араластырыңыз. Панна-коттаға арналған қоспаны қалыптарға құйып, оны толық қатқанша тоңазытқышқа салыңыз, бұған 5 сағатқа дейін уақыт кетуі мүмкін. Десерт қатып қалғанда, оны жеп көруге болады. Қаласаңыз, кофе панна-коттаны тұзды карамелі бар дайын тұздықпен безендіріп, үстінен шоколад себуге болады.

Ингредиенттер:

• NESCAFÉ^® ерігіш кофесі — 2 шай қасық
• 33% кілегей — 150 г
• Сүт — 200 мл
• Су — 150 мл
• Қант ұнтағы — 250 г
• Желатин — 20 г

Сүт пен желатинді араластырып, оны ісіну үшін 40 минутқа қалдырыңыз. Кофе дайындаңыз: ерігіш кофені ыстық суға қосып, араластырыңыз. Крем мен қант ұнтағын араластырыңыз, содан кейін шыңдар пайда болғанша көпсітіңіз. Пайда болған массаға суыған кофе қосыңыз. Желатин қоспасын араластырыңыз да, кілегей мен кофеге қосып, біртекті болғанша бәрін араластырыңыз. Қоспаны креманкаларға құйып, тоңазытқышқа 3 сағатқа салып қойыңыз.

Ингредиенттер:

• NESCAFÉ^® ерігіш кофесі — 1 шай қасық
• Жұмсақ сүзбе — 500 г
• Кілегей (майлылығы кез келген) — 100 мл
• Қант — 50 г
• Желатин — 15 г
• Шоколад — 60 г
• Су — 250 мл

Желатин мен суды кәстрөлде араластырып, 30 минутқа қалдырыңыз. Содан кілегей мен кейін бөліктерге бөлінген шоколадты қосып, кәстрөлді баяу отқа қойыңыз. Массаны қыздырыңыз, бірақ қайнатпаңыз. Шоколад толығымен еріп кетуі тиіс. Кәстрөлді плитадан алыңыз, кофе ұнтағын қосып, араластырыңыз, содан кейін сүзбе мен қантты қосыңыз. Миксермен біртектілік болғанша көпсітіңіз, қалыптарға құйып, толығымен қатқанына дейін тоңазытқышқа салып қойыңыз.

Ингредиенттер:

• NESCAFÉ^® ерігіш кофесі — 1 шай қасық
• 20% кілегей — 300 г
• Жүгері крахмалы — 20 г
• Қант — 35 г
• Ванильді қант — 2 шай қасық
• Жұмыртқа — 1 дана
• Даршын — 1 таяқша

Жұмыртқа мен ванильді қантты шайқағышпен көпсітіңіз. Жүгері крахмалын қосып, мұқият араластырыңыз. Кофені кілегеймен араластырыңыз да, даршын таяқшасын қосып, плиртада қыздырыңыз, бірақ кілегейдің ұйып қалмауы үшін қайнатпаңыз. Даршынды шығарып алыңыз. Қант массасына кофе қосып, араластырыңыз, плитаға қойып, қоюланғанша пісіріңіз. Пудингті креманкаларға үлестіріп, тоңазытқышқа салып қойыңыз. Кофе пудингі қатып қалғанда, оны жеп көруге болады.

Ингредиенттер:

• NESCAFÉ^® ерігіш кофесі — 1 шай қасық
• Ыстық су — 30 мл
• Ұнтақ жарма — 80 гр
• Қант — 5 ст. л.
• Ванильді қант — 1 ч. л.
• Су — 30 мл
• Какао ұнтағы — 2 ст. л.
• Шоколад — 50 г
• Сары май — 40 г
• Сүт — 280 мл

250 мл сүтті, ванильді қантты және екі ас қасық қантты араластырып, қоспаны орташа отқа қойып, қайнатыңыз. Ыстық су мен NESCAFÉ® ерігіш кофесін араластырып ерігіш кофе жасаңыз. Сүтке бір шай қасық эспрессо қосып, араластырыңыз. Сүтке ұнтақ жарманы қосып, ол қоюланғанша 7-8 минут бойы үздіксіз араластыра отырып пісіріңіз. Оны плитадан алып, суытыңыз.

Шоколадты ерітііңіз де, оған сары май қосыңыз. Сопақ табада 30 мл сүтті, какао ұнтағы мен қантты араластырып, қайнатыңыз да, 3 минут пісіріңіз. Шоколад пен какаоны араластырыңыз, сонан соң суытыңыз.

Кофелік пудингті креманкаларға салып, тұздықпен безендіріп, түні бойы тоңазытқышқа салыңыз.

Ингредиенттер:

• NESCAFÉ^® ерігіш кофесі — 2 шай қасық
• Шоколадты піспенан — 350 г
• Сары май — 110 г
• Какао ұнтағы — 3 шай қасық
• «Маскарпоне» ірімшігі — 800 г
• Қант — 220 г
• Жұмыртқа — 4 дана
• 33% кілегей — 160 г
• Жүгері крахмалы — 2 ас қасық

Сары май қосылған піспенанды блендерде ұсақтаңыз, 1 шай қасық кофе мен какао ұнтағын қосып,  араластырыңыз. Піспенанға ерітілген сары майды қосыңыз. Чизкейкке арналған қалыпты жұқалтырдың екі қабатына орап, түбіне піспенан негізін жайып салыңыз. 80 мл кілегейді қыздырып, оған қалған ерігіш кофені қосыңыз. Жеке ыдыста ірімшікті, 80 мл кілегей мен қантты көпсітіңіз, жұмыртқаны қосып, массаны блендермен көпсітіңіз. Ірімшік массасын кофе массасымен араластырыңыз. Дәл сонда крахмал мен какаоны електен өткізіңіз, содан кейін салманы қалақшамен жақсылап араластырыңыз. Оны корждың үстіне жайып салыңыз. Үлкенірек қалыпты алып, оған қайнап тұрған суды құйыңыз да, су моншасын жасау үшін үстінен чизкейк салынған қалыпты қойыңыз. Тұмшапеште десертті 180 градуста 40 минут пісіріңіз, сонан соң температураны 160 градусқа дейін азайтып, чизкейкті тағы 20 минутқа қалдырыңыз. Осыдан кейін, десертті тұмшапеште 30 минут бойы суытыңыз.

Ингредиенттер:

• NESCAFÉ^® ерігіш кофесі — 1 шай қасық
• Шоколадты піспенан — 120 г
• Сүт — 100 мл
• «Маскарпоне» ірімшігі — 150 г
• 10% кілегей — 100 г
• Желатин — 10 г
• Қант — 100 г
• Сары май — 50 г
• Қаймақ — 100 г
• Ванильді қант — 15 г
• Су — 80 мл

Сары май қосылған піспенанды блендерде ұсақтап, кофелік чизкейкке арналған қалыптың түбіне салыңыз. Сүт пен желатинді араластырып, желатин ісінгенше 40 минутқа қалдырыңыз, содан кейін сүтті 60 градусқа дейін қыздырыңыз. Маскарпонені, кілегейді, қаймақты, ванильді және ақ қантты миксермен көпсітіңіз. Нәтижесінде көпірме көбік шығуы тиіс. Сүтті ірімшік массасымен араластырып, көпсітіңіз. Ерігіш кофені дайындап суытыңыз, сонан соң оны крем қосылған қоспаға қосыңыз. Кремді піспенан салынған қалыпқа жайып салыңыз да, тоңазытқышқа 3 сағатқа қойыңыз. Чизкейк дайын!

Ингредиенттер:

• NESCAFÉ^® ерігіш кофесі — 3 шай қасық
• Жұмыртқа — 3 дана
• Қант — 130 г
• Крахмал — 20 г
• Қопсытқыш — 0,5 шай қасық
• Ұн — 60 г
• Сүт — 300 мл
• Какао ұнтағы — 15 г
• Су — 120 мл
• Қант — 60 г
• Жұмыртқа сарыуызы — 2 дана
• Ақ шоколад — 50 г
• Желатин — 5 г
• Сары май — 100 г
  

Ингредиенттер:

• NESCAFÉ® ерігіш кофесі — 1 шай қасық
• Сүт — 150 мл
• Жүгері крахмалы — 5 г
• Кілегей — 150 мл
• Жұмыртқа — 1 дана
• Қант — 50 г
• Желатин — 5 г
• Су — 30 мл

Сүтті желатинмен араластырып, оны ісіну үшін 30 минутқа қалдырыңыз. Сопақ табада сутті, қантты, крахмалды, жұмыртқа мен кофені араластырыңыз. Түйіршіктер болмас үшін мұқият араластырыңыз. Қайнатыңыз, бірнеше минут қайнаңқыратыңыз да, оттан алыңыз. Сопақ табаға желатин қосып, суытыңыз. Бөлек ыдыста кілегейді көпірме консистенцияға дейін көпсітіңіз де, кофе қоспасына қосыңыз. Мусс дайын!

Ингредиенттер:

• NESCAFÉ^® ерігіш кофесі — 2 шай қасық
• Кілегейлі-сүзбелі ірімшік — 500 г
• Майлылығы 33% кілегей — 100 мл
• Қант ұнтағы дәмге қарай

Кілегейді ерігіш кофемен араластырып, оларды миксермен көпсітіңіз. Бөлек ыдыста ірімшікті қант ұнтағымен біртекті массаға дейін көпсітіңіз. Кілегейді біртіндеп ірімшік массасына құйыңыз, және бір уақытта кремді миксермен көпсітіңіз. Содан кейін кремді екі сағат суытыңыз. Кофеден жасалған крем дайын!

Ингредиенттер:

• NESCAFÉ® ерігіш кофесі — 1 шай қасық
• Жұмыртқа — 3 дана
• Қант — 140 г
• Су — 60 мл
• Ұн — 150 г
• Какао ұнтағы — 10 г
• Қопсытқыш — 7 г
• Тұз — бір шымшым
• Өсімдік майы — 45 мл

Кофе дайындаңыз: бұл үшін ыстық суға NESCAFÉ® ерігіш кофесін қосып, араластырыңыз. Жұмыртқаны, қантты және бір шымшым тұзды миксермен көпсітіңіз — масса ағарып, көлемі үлкеюі тиіс. Жеке ыдыста електен өткізілген ұнды, какао мен қопсытқышты араластырыңыз. Қамырды миксермен төмен айналыммен көпсітіп жатып, бір мезгілде құрғақ ингредиенттерді, сары май мен кофені бірте-бірте қосыңыз. Қалыптың түбіне пергамент салып, қамырды қалыпқа құйыңыз да, 170 градусқа дейін қыздырылған тұмшапешке 25 минутқа қойыңыз. Кофелік бисквит пісірілгенде, оны тұмшапештен шығарып алып, суытыңыз да, тоңазытқышқа 2 сағатқа салып қойыңыз.

Ингредиенттер:

• NESCAFÉ® ерігіш кофесі — 1 шай қасық
• Ұн — 130 г
• Шоколад — 45 г
• Жұмыртқа — 1 дана
• Қант — 50 г
• Қойылтылған сүт — 30 г
• Қопсытқыш — 0,5 шай қасық
• Жержаңғақ — 30 г
• Грек жаңғағы — 30 г
• Су — 70 мл
• Апельсин жартысы

Жұмыртқа мен қантты ашық сары көбік пайда болғанға дейін көпсітіңіз. Қойылтылған сүтті қосып, біртекті консистенцияға дейін көпсітіңіз. Ерігіш кофені ыстық сумен араластырып, стақанға ұсақталып туралған шоколадты қосыңыз да, ол ерігенше араластырыңыз. Кофе мен жұмыртқа қоспасын біріктіріңіз де, ингредиенттерді төмен жылдамдықпен көпсіте бастаңыз. Қопсытқышты қосып, қамыр қоюланғанша ұнды біртіндеп себіңіз. Апельсиннің шырынын сығып алып, үштен екісін қамырға қосыңыз да, қайтадан көпсітіңіз, жармаланған жаңғақтарды қосып, араластырыңыз. Тұмшапешті 220 градусқа дейін қыздырыңыз, маффиндер қалыптарының үштен екісін қамырбен толтырыңыз да, үстіне шырынның қалған бөлігін құйып, 25 минут пісіріңіз.

Ингредиенттер:

• NESCAFÉ® ерігіш кофесі — 1 шай қасық
• Ақ шоколад — 150 г
• Сары май — 100 г
• Қант — 40 г
• Ұн — 50 г
• Қопсытқыш — 7 г

100 г ақ шоколад пен сары майды сопақ табада баяу отта ерітіңіз, сонан соң оларды біртектілік болғанша араластырыңыз. Жұмыртқа мен қантты ашық сары көбік пайда болғанға дейін көпсітіңіз. Қопсытқыш пен кофе ұнтағын қосыңыз, ұнды біртіндеп қоса отырып, көпсітуді жалғастырыңыз. Қамырға шоколад қоспасын қосып, мұқият араластырыңыз. Қамырды қалыптарға салып, қалған ақ шоколадпен безендіріңіз де, маффиндерді 220 градуста 20 минут пісіріңіз. Кофелік маффиндер дайын!